MANAGED BY:
RABU
25 APRIL
KRIMINAL | METROPOLIS | HOT PROMO | BORNEO FC | GAYA
Jumat, 16 Juni 2017 17:17
Manukar Oto

PROKAL.CO, PANJUL –maaf haja ngini ngaran karangan panulis wara - tumatan lagi halus bacita-cita jadi urang sugih. Kada harat banar pang sabujuran cita-cita Panjul. Inya baharap kawa baisi rumah wan oto sorang.
Supaya cita-citanya kasampaian Panjul cangkal bagawi. Pokoknya apa haja digawinya asal halal wan mahasilkan duit. Rupanya usaha Panjul bahasil. Katuhukan bagawi, Panjul kawa jua manabung wan manukar oto biar bakas haja.
Harian itu sungsung Panjul sudah kaluar gasan tulak manuju surum panjualan oto bakas di hujung kampungnya. Di sana banyak oto murah dijual wan kawa dicubai sabalum manukar wan mambayari.
Babaya sampai balaluan Panjul mulai mamilih oto sasuai duit di kampungnya. Tuhuk Panjul bakuliling, akhirnya dipilihnya jua oto nang murah.
Bangaran kada cucuk wan warnanya, limbah mambayari harga oto langsung haja Panjul manuju bingkil. “Tolong ikam catkan oto unda wan warna nang dianggap baik. Ongkosnya unda bayari di muka nah. Kena saminggu unda ambil oto unda. Tuntung kada kira-kira,” Panjul mamadahi tukang bingkil.
Limbah saminggu, Panjul balaluan datang ka bingkil handak maambil oto. Takajut Panjul malihat warna otonya pina mantiring banar warnanya. Warnanya hijau anum.
“Bah cucuk banar warnanya ini, unda katuju banar nah,” Panjul basuara.
Handak manarai otonya, Panjul balaluan haja bakuliling kampung. Kanapa katuhukan bakuliling oto Panjul bairingan wan oto sapasial maangkut sampah.
Takajut Panjul babaya mahatiakan bujur-bujur. Panjul hanyar sadar warna sampai ka mudil otonya sama banar wan oto tukang angkut sampah di hadapannya.
“Nah iya am ini. Bisa disangka urang oto sampah jua ampun unda ni. Salah cat warna oto unda,” jar Panjul sambil manjajak gas mandahului oto tukang angkut sampah di hadapannya. (rin/beb)

loading...

BACA JUGA

Minggu, 18 Februari 2018 15:43

Mancubai Haja

HARIAN itu Utuh--- ni lain ngaran banaran, asa maka sambat panulis haja--- singgah ka tuku nang bajualan…

Minggu, 11 Februari 2018 20:29

Taigut Kaos Batis

Kamana-mana salalu baampat. Ujang, Utuh, Panjul wan Paluy -seberatan tu ngaran asal sambat nang manulis…

Minggu, 28 Januari 2018 21:52

Band Kuda Lumping

KEKANAKAN wayah ini dasar harat-harat pang. Ada nang bekumpulan naik mutur, sepalihan ada nang bekumpulan…

Sabtu, 27 Januari 2018 13:47

Jas Hujan Rungkang

MALAM itu Utuh--- ni ngaran asa maka sambat panulis wara--- kabujuran kana giliran lambur bagawi. Babaya…

Senin, 22 Januari 2018 00:59

Handak Lamak

Awak lamak kada selamanya talihat kada baik. Urang nang awaknya lamak tu biasanya hibak bisi kawal,…

Sabtu, 13 Januari 2018 18:20

Tuti = Tatulian

Tuti (lain ngaran urang lah), ujar kekanakan wayah ni kepanjangannya tatulian. Sambatan itu pang nang…

Minggu, 07 Januari 2018 21:49

Asik Bagincu

SUDAH jadi kabiasaan, pokoknya asa kada parcaya diri tu pang mun Aluh ---ni lain ngaran banaran--- bila…

Jumat, 05 Januari 2018 16:56

Muntung Tekunci

  Banyak pandir, ujar urang jua kada ada nang baiknya. Apalagi amunnya bepandir nang kaya urang…

Kamis, 04 Januari 2018 14:11

Foto Pakai HP

HAHANYARAN baisi HP, pina himung Adul---ni lain ngaran banaran, asa maka sambat panulis wara. Pokoknya…

Jumat, 29 Desember 2017 15:10

Kerupuk Layat

"Ngalihnya dikunyah," ujar Kai Idup (lain ngaran bujuran wal), urang tuha nang kada bisi gigi, pas membantas…
Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .