MANAGED BY:
RABU
21 FEBRUARI
UTAMA | SAMARINDA | METROPOLIS | OLAHRAGA | KALTIM | METROLIFE | BUJUR-BUJUR

BUJUR-BUJUR

Selasa, 13 Juni 2017 01:41
Salah Duduk

PROKAL.CO, BANGARAN jadi urang talalu pambarangan, Idrak--- ngaran asa maka karang panulis haja ngini---tapaksa mananggung akibat kalakuannya. Idrak suah baduduk di sambal.
Kisahnya waktu itu Idrak tulak ka urang basalamatan. Malihat kakawalannya sudah rami badudukan wan basiap mambantas, soalnya inya talambat datang, pina sibuk ai Idrak. Idrak takutan kada dapat wadah duduk. Soalnya bila tapaksa duduk di luar rumah, mau kada mau ai kaina lambat disurungi urang pamakan. Imbah itu jua, pamakan urang nang duduk di dalam wan di luar babida. Di dalam kawa batambah lauk.
Sawat calanguk-calanguk, Idrak malihat ada halapatan  diantara kakawalannya nang lain pina luang. Badadas ai Idrak umpat lalu, gasan manuju wadah duduk nang kabujuran luang itu.
“Umpat lalu lah, minta jalan unda. Maaf unda lingkahi sadikit nah,” Idrak basuara.
Pas parak wadah duduk nang kusung nang dasar ditujunya, badadas ai Idrak langsung duduk basila. Inya takutan kalo lambat ada nang manduduki. Hanyar haja Idrak baduduk, sudah tarasa ada basah-basah.
“Taduduki banyu unda. Kada apa-apa basah sadikit, tagal kainan kawa mambantas puas,” dalam hati Idrak basuara.
Kada lawas tuntung urang babacaan. Kakawalannya nang lain basiap wan manunggu giliran mambantas, Idrak malah sibuk sorangan. Satumat-satumat Idrak mambaiki kadudukannya. Rupanya Idrak kapanasan. Asa panasaran, balaluan ai Idrak manjapai ka wadah duduknya.
“Iya am, ngini lain banyu ngarannya. Ngini wara sambal unda duduki nah,” Idrak bamamai sorangannya.
Mandangar damintu, takurihingan ai kakawalannya nang kabujuran duduk di higanya. “Makanya wal ai kami kada ada nang hakun duduk di situ. Ikam pang datang-datang langsung baduduk. Baluman sampat ditagur ikam sudah duduk mancungkung di situ, paksa ai kami biarkan,” jar kawalnya mamadahi. (rin)

loading...

BACA JUGA

Minggu, 18 Februari 2018 15:43

Mancubai Haja

HARIAN itu Utuh--- ni lain ngaran banaran, asa maka sambat panulis haja--- singgah ka tuku nang bajualan…

Minggu, 11 Februari 2018 20:29

Taigut Kaos Batis

Kamana-mana salalu baampat. Ujang, Utuh, Panjul wan Paluy -seberatan tu ngaran asal sambat nang manulis…

Minggu, 28 Januari 2018 21:52

Band Kuda Lumping

KEKANAKAN wayah ini dasar harat-harat pang. Ada nang bekumpulan naik mutur, sepalihan ada nang bekumpulan…

Sabtu, 27 Januari 2018 13:47

Jas Hujan Rungkang

MALAM itu Utuh--- ni ngaran asa maka sambat panulis wara--- kabujuran kana giliran lambur bagawi. Babaya…

Senin, 22 Januari 2018 00:59

Handak Lamak

Awak lamak kada selamanya talihat kada baik. Urang nang awaknya lamak tu biasanya hibak bisi kawal,…

Sabtu, 13 Januari 2018 18:20

Tuti = Tatulian

Tuti (lain ngaran urang lah), ujar kekanakan wayah ni kepanjangannya tatulian. Sambatan itu pang nang…

Minggu, 07 Januari 2018 21:49

Asik Bagincu

SUDAH jadi kabiasaan, pokoknya asa kada parcaya diri tu pang mun Aluh ---ni lain ngaran banaran--- bila…

Jumat, 05 Januari 2018 16:56

Muntung Tekunci

  Banyak pandir, ujar urang jua kada ada nang baiknya. Apalagi amunnya bepandir nang kaya urang…

Kamis, 04 Januari 2018 14:11

Foto Pakai HP

HAHANYARAN baisi HP, pina himung Adul---ni lain ngaran banaran, asa maka sambat panulis wara. Pokoknya…

Jumat, 29 Desember 2017 15:10

Kerupuk Layat

"Ngalihnya dikunyah," ujar Kai Idup (lain ngaran bujuran wal), urang tuha nang kada bisi gigi, pas membantas…
Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .