MANAGED BY:
SABTU
23 JUNI
KRIMINAL | METROPOLIS | HOT PROMO | BORNEO FC | GAYA
Rabu, 17 Mei 2017 01:13
Helem Hanyar

PROKAL.CO, HARIAN itu Panjul---ngaran asa maka sambat panulis haja ngini--- pina abut banar. Dimapa kada abut, padahal rancananya imbah bamagrib di langgar parak rumahnya handak langsung maambil Aluh---Ini gin ngaran asa maka sambat panulis---, babini nang sudah satahun balakangan dipacarinya.
Babaya baparak ka muturnya, helem sudah hilang. Tuhuk Panjul kukulilik mancari, tapi kada ada jua helemnya. “Bah dimapa unda handak maambili pacar mun damini. Bias tangkap pulisi kaina unda, apalagi rumah pacar di tangah kuta nah,” Panjul bakisah wan satpam langgarnya.
Tuhuk Panjul bapikir dimapa kawa  tulak ka wadah Aluh. Akhirnya dapat jua idenya, Panjul bajalan ka arah kuburan kada jauh pada langgar. Kira-kira satangah jam bajalan, babulik Panjul ka parkiran muturnya. Waktu itu di tangannya sudah manjinting helem.
“Dapat di mana ikam helem Jul. jangan-jangan ikam mancuntan jua nih. Kada baik kajahatan dibalas kajahatan wal ai,” satpam langgar mamadahi.
Kada hihiran Panjul dipadahi damintu. Tapi asa kamunyakan dicurigai nang kada-kada, Panjul balaluan manjawab.
“Piyan kada malihat kah. Tiring bujur-bujur nah. Helmnya pina rigat atasnya kalo. Tahulah piyan helem siapa ngini,” Panjul babalik batakun.
Kada manjawab satpam ditakuni Panjul. “Asal piyan tahu lah. Ni helem unda mainjam di kuburan bubuhan pahlawan. Di situ ada helem kalo di atas kubur, nah nang itu unda pakai dahulu,” jawab Panjul.
“Dari pada unda ditilang wan kada jadi mailangi Aluh, baik unda mainjam di kuburan pahlawan,” sambat Panjul pulang.
Tadangar Panjul mainjam helem di atas kuburan, badadas satpam bajauh. “Mun unda biar kada. Baik kada jadi mailangi pacar, dari pada harus mamakai helem tumatan kuburan,” jar satpam sambil bamamai. (rin)

loading...

BACA JUGA

Minggu, 18 Februari 2018 15:43

Mancubai Haja

HARIAN itu Utuh--- ni lain ngaran banaran, asa maka sambat panulis haja--- singgah ka tuku nang bajualan…

Minggu, 11 Februari 2018 20:29

Taigut Kaos Batis

Kamana-mana salalu baampat. Ujang, Utuh, Panjul wan Paluy -seberatan tu ngaran asal sambat nang manulis…

Minggu, 28 Januari 2018 21:52

Band Kuda Lumping

KEKANAKAN wayah ini dasar harat-harat pang. Ada nang bekumpulan naik mutur, sepalihan ada nang bekumpulan…

Sabtu, 27 Januari 2018 13:47

Jas Hujan Rungkang

MALAM itu Utuh--- ni ngaran asa maka sambat panulis wara--- kabujuran kana giliran lambur bagawi. Babaya…

Senin, 22 Januari 2018 00:59

Handak Lamak

Awak lamak kada selamanya talihat kada baik. Urang nang awaknya lamak tu biasanya hibak bisi kawal,…

Sabtu, 13 Januari 2018 18:20

Tuti = Tatulian

Tuti (lain ngaran urang lah), ujar kekanakan wayah ni kepanjangannya tatulian. Sambatan itu pang nang…

Minggu, 07 Januari 2018 21:49

Asik Bagincu

SUDAH jadi kabiasaan, pokoknya asa kada parcaya diri tu pang mun Aluh ---ni lain ngaran banaran--- bila…

Jumat, 05 Januari 2018 16:56

Muntung Tekunci

  Banyak pandir, ujar urang jua kada ada nang baiknya. Apalagi amunnya bepandir nang kaya urang…

Kamis, 04 Januari 2018 14:11

Foto Pakai HP

HAHANYARAN baisi HP, pina himung Adul---ni lain ngaran banaran, asa maka sambat panulis wara. Pokoknya…

Jumat, 29 Desember 2017 15:10

Kerupuk Layat

"Ngalihnya dikunyah," ujar Kai Idup (lain ngaran bujuran wal), urang tuha nang kada bisi gigi, pas membantas…
Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .