MANAGED BY:
RABU
21 FEBRUARI
UTAMA | SAMARINDA | METROPOLIS | OLAHRAGA | KALTIM | METROLIFE | BUJUR-BUJUR

BUJUR-BUJUR

Sabtu, 15 April 2017 15:22
Guring di Kantur

PROKAL.CO, UTUH --- ni ngaran lain bujuran lah --- tarkanal banar pangguring di wadahnya bagawi. Pokoknya kawal Utuh hampir sakanturan tahu kalau inya tu pangguring. Di mana haja mun Utuh sudah ngantuk, inya kawa mangaruh. Biar rihatan baduduk atau bagawian gin kawa haja Utuh mangaruh.
Nang maulah kakawalannya sakit kapala bila diparak Utuh guring, pokoknya bila sudah guring pasti inya mangaruh. Maka mun sudah mangaruh, suara Utuh nang kaya urang banyanyi. Suara Utuh mangaruh taatur banar. Tapi ada jua hiburan kawalannya, Utuh jua bila sudah guring mangaruh kada lawas inya pasti baliuran.
Kisahnya harian itu hujan daras waktu Utuh hanyar haja sampai kantur. Bengaran cuaca mandukung, hanyar haja duduk satumat di kursinya Utuh sudah takilip. Pamulaannya mata Utuh kujup-kujup. Kada lawas Utuh sudah mangaruh langkap wan taliur-liurnya.
Malihat nang kaya itu tanjal ai kakawalannya manyambati Utuh. Tapi tatap haja Utuh kada hiran-hiran. Akhirnya ada kawalnya nang mucil, nang malapurkan Utuh guring rihatan bagawi wan atasannya bagawi. Mandangar laporan kaya itu, atasan Utuh bangaran Idrak---ni gin ngaran kakarangan panulis wara lah---baluan mandatangi mija Utuh gasan mancik langsung.
Babaya sampai di hadapan Utuh, tanganga ai atasannya. Limbah puas mahatiakan Utuh, balaluan atasannya manyuruh kakawalan Utuh manggarak. Babaya bangun malihat bosnya sudah duduk di hadapan, takulipik ai Utuh.
Bangaran handak mambuang supan, Utuh langsung haja baparagah sibuk mangantik kumputer di hadapannya. Kisahnya Utuh lagi sibuk.
"Tuh ikam guring kah?kanapa kawalan ikam sibuk bagawian ikam malah guring," bosnya batakun.
Mandangar nang kaya itu, takutan disariki bosnya balaluan haja Utuh manyahut. "Ulun kada guring bos ai. Ulun tadi mangijimkan mata, soalnya ada nang unda ingat," Utuh baalasan.
Mandangar nang kaya itu bosnya kada mau kalah. "Bah lah, ikam kada guring pang. Cuma ikam dangarkan nah, unda ada baisi lagu hanyar gasan dijadikan lagu di HP unda,” sambat bosnya mandangarkan rakaman Utuh mangaruh.
Mandangar damintu kada kawa bakutik lagi sudah Utuh dapatnya. (rin/nha)

loading...

BACA JUGA

Minggu, 18 Februari 2018 15:43

Mancubai Haja

HARIAN itu Utuh--- ni lain ngaran banaran, asa maka sambat panulis haja--- singgah ka tuku nang bajualan…

Minggu, 11 Februari 2018 20:29

Taigut Kaos Batis

Kamana-mana salalu baampat. Ujang, Utuh, Panjul wan Paluy -seberatan tu ngaran asal sambat nang manulis…

Minggu, 28 Januari 2018 21:52

Band Kuda Lumping

KEKANAKAN wayah ini dasar harat-harat pang. Ada nang bekumpulan naik mutur, sepalihan ada nang bekumpulan…

Sabtu, 27 Januari 2018 13:47

Jas Hujan Rungkang

MALAM itu Utuh--- ni ngaran asa maka sambat panulis wara--- kabujuran kana giliran lambur bagawi. Babaya…

Senin, 22 Januari 2018 00:59

Handak Lamak

Awak lamak kada selamanya talihat kada baik. Urang nang awaknya lamak tu biasanya hibak bisi kawal,…

Sabtu, 13 Januari 2018 18:20

Tuti = Tatulian

Tuti (lain ngaran urang lah), ujar kekanakan wayah ni kepanjangannya tatulian. Sambatan itu pang nang…

Minggu, 07 Januari 2018 21:49

Asik Bagincu

SUDAH jadi kabiasaan, pokoknya asa kada parcaya diri tu pang mun Aluh ---ni lain ngaran banaran--- bila…

Jumat, 05 Januari 2018 16:56

Muntung Tekunci

  Banyak pandir, ujar urang jua kada ada nang baiknya. Apalagi amunnya bepandir nang kaya urang…

Kamis, 04 Januari 2018 14:11

Foto Pakai HP

HAHANYARAN baisi HP, pina himung Adul---ni lain ngaran banaran, asa maka sambat panulis wara. Pokoknya…

Jumat, 29 Desember 2017 15:10

Kerupuk Layat

"Ngalihnya dikunyah," ujar Kai Idup (lain ngaran bujuran wal), urang tuha nang kada bisi gigi, pas membantas…
Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .