MANAGED BY:
SENIN
21 AGUSTUS
UTAMA | SAMARINDA | METROPOLIS | OLAHRAGA | KALTIM | METROLIFE | BUJUR-BUJUR

BUJUR-BUJUR

Minggu, 12 Maret 2017 20:12
Iwak Hilang

PROKAL.CO, NANG ngarannya mambantas tu, sabaiknya jangan banyak pandir. Jangan sampai kaasikan bakisah, makanan nang handak ditungap malah hilang. Pangalaman nang kaya itu suah dialami  Utuh--- ngini ngaran karangan panulis hajalah--- , nang kahilangan hayam di piring nasinya.
Kisahnya Utuh wan kakawalannya bagawi lambur malam itu. Supaya Utuh wan kakawalannya basumangat bagawi, bos di kantornya manukarkan inya pamakan. Pokoknya pamakan nang disiapkan jauh pada biasanya. Nang biasanya cuma nasi bungkus, wayah ini ditukarkan macam-macam lauk. Ada iwak babanam, hayam dipanggang wan basanga jua.
“Nah mun nang kaya ini pamakannya, satiap hari gin unda basumangat banar lambur bagawi,” Utuh bapandir di hadapan kakawalannya, nang rihatan sibuk bagawian.
Marasa gawiannya sudah tuntung, badadas ai Utuh maambil hayam panggang wan iwak babanam. Kada tanggung-tanggung, dua ikung iwaknya diambil Utuh. Imbah itu Utuh manuju ka hadapan TV. Sambil manuntun TV, batis naik subalah ka kursi, Utuh asyik malihat ka TV nang kabujuran siaran main bal.
Malihat Utuh pina asyik, kawalnya nang bangaran Iyud mandatangi. Maksudnya handak mahatiakan dimapa Utuh mambantas. Tapi ngarannya Utuh, babaya diparaki malah sibuk bakisah. Kaasikan bakisah, Utuh kada sadar ada kucing nang bahinip manungap iwaknya.
Babaya maniring ka piring, Utuh hiran soalnya kada malihat lagi iwaknya. “Parasaan unda baluman sawat saikung unda bantas, ka mana lah iwak unda ni nang lainnya,” Utuh basuara sorangan.
Mandangar nang kaya itu sindam ai Iyud mandangar. “Jah, maka ikam kada ka mana-mana. Bisanya kahilangan iwak di piring di hadapan saurang,” Iyud managur.
Hanyar haja Utuh handak badiri, bakajutan maluncat kucing di bawah kursi inya baduduk. “Nah itu sakalinya iwak unda ditanggung kucing,” sambat Utuh.
Tanjal Iyud tatawa, soalnya rupanya iwak Utuh lain diambil urang, tapi dibantas kucing. “Makanya wal, mun mambantas tu jangan sambil bakisah,” jar Iyud mahuluti. (rin)





BACA JUGA

Senin, 14 Agustus 2017 11:27

Takutan Kasurupan

Kampung wadah Mamat -ngaran asal sambat nang manulis wal lah- rami lawan urang manuntun pawai. Maklum…

Minggu, 13 Agustus 2017 21:58

Balapis Lumpur

Amun di sakulah. Amat -ngaran asal sambat nang manulis haja wal lah- tarkanal kekanak nang pambarsihnya…

Sabtu, 12 Agustus 2017 10:51

Cewe Bungas Jadi Hantu

Handak meulah urang takajut, wayah ni kada usah tapi repot. Apalagi amun memakai hape nang kawa BBM-an,…

Jumat, 11 Agustus 2017 10:57

Gara-gara Tanda Tangan

BARAPA hari ini Utuh---ni lain ngaran banaran, asa maka sambat panulis haja--- talihat kada sakulah.…

Kamis, 10 Agustus 2017 13:44

Meapeli Cewe

Saban handak guring, Panjul ---ngaran asal sambat nang manulis wal lah--- galisah. Hatinya badabar-dabar…

Rabu, 09 Agustus 2017 11:41

Kakanyangan Ngopi

Panjul -ngaran asal sambat nang manulis wal lah, saban hari mancari kawal nang manawarinya mambantas.…

Selasa, 08 Agustus 2017 02:55

Banyu Parit

HAHANYARAN jadi wartawan, pina himung banar Panjul -ni ngaran asa maka katik panulis haja, babaya maliput…

Minggu, 06 Agustus 2017 21:10

Keleker Hirang

KAMPUNG wadah bediam Tono - ngaran asal sambat nang manulis wal lah - tarkanal wan julukan kampung kambing.Satiap…

Sabtu, 05 Agustus 2017 10:32

Batis Kram

PINA basumangat banar Amat -ni lain ngaran banaran lah, bajalan batis manuju lapangan bal di hujung…

Jumat, 04 Agustus 2017 14:20

Uyah Larang

BARAPA hari balakangan, Utuh -ni ngaran asa maka tulis wara, pina kada baliur mambantas. Padahal nang…
Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .