MANAGED BY:
SABTU
15 DESEMBER
KRIMINAL | METROPOLIS | HOT PROMO | BORNEO FC | GAYA
Minggu, 28 Januari 2018 21:52
Band Kuda Lumping

PROKAL.CO, KEKANAKAN wayah ini dasar harat-harat pang. Ada nang bekumpulan naik mutur, sepalihan ada nang bekumpulan meolah grup band. Kesahnya supaya kada dipadahi ketinggalan zaman. Nah si Mamat – ngarannya ini lain bujuran wal ai – kesahnya handak jua kayak kekanakan nang main band. Makanya inya bekikihan mencari kekawalannya nang bisi grup, supaya bisa umpat bemain.
“Unda ini bujur pang kada bisa bemain gitar, tapi suara unda kada jua pang buruk amunnya benyanyi,” jar Mamat mehimungi diri sorang.
Behimat Mamat mencari kawalnya nang bisi grup band. Seikung-seikung kekawalannya ditelponi, tetapi kedada nang mau membawa Mamat begabung.
“Ikam wal, main gitar kada kawa, main bas kada bisa, main drum jua kada tahu, kayak apa handak kami bawai,” jar kekawalannya.
“Tapi suara unda bagus haja wal amun jadi vokalis,” jarnya.
“Bisa ai ikam jadi vokalis, tapi ikam latihan bekunyung dulu,” jar kekawalannya tadi menyambati.
Kada dibawai di mana-mana, sekalinya meolah Mamat grigitan dalam hati. Menggerunum kada karuan inya di rumah. Kebujuran di rumah ada urang sebelah betamu.
“Kenapa ikam sarik-sarik Mat,” jar tetangganya tadi.
“Ulun ini handak main band wan kekawalan, tapi kada ada nang handak membawai. Kayak apa ulun kada sangkal hati,” jar Mamat.
Tetangganya nang bengaran Parno – nah nang ini gin lain ngaran bujuran pang – kesahnya kesian wan Mamat. Inya lalu membawa Mamat begabung wan kelompok adingnya.
“Ading unda itu ada jua kelompok musiknya, siapa tahu ikam handak begabung,” jar Parno memadahi.
Semangat banar Mamat mendangar itu. Inya lalu haja menawarkan diri handak jadi vokalis.
“Apa gerang nama grup bandnya,” jar Mamat menakoni.
“Nah itu maka am unda jua kada paham. Tapi bubuhannya itu unda liat kedada nang benyanyi. Nang ada main kuda, bejogetan, main cambuk, sampai ada nang kesurupan,” jar Parno menjelaskan.
“Waluh banar pian ini, itu lainan grup band ngarannya, itu grup kuda lumping,” jar Mamat tambah menyarik-nyarik. (oke/upi)

loading...

BACA JUGA

Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .