MANAGED BY:
SABTU
15 DESEMBER
KRIMINAL | METROPOLIS | HOT PROMO | BORNEO FC | GAYA
Sabtu, 27 Januari 2018 13:47
Jas Hujan Rungkang

PROKAL.CO, MALAM itu Utuh--- ni ngaran asa maka sambat panulis wara--- kabujuran kana giliran lambur bagawi. Babaya imbah gawiannya tuntung, Utuh bahancap manyalingar muturnya. Soalnya Utuh takutan kahujanan. Tapi babaya Utuh handak jalan, bakajutan hujan.
Ingat ada jas hujan dalam jok muturnya, badadas ai Utuh maambil wan mamakainya. “Tanang haja, biar hujan daras ada haja jas hujan. Aman haja. Mun unda batahan gasan bataduh, bisa kada tabulik-bulik unda,” dalam hati Utuh basuara.
Sapanjang jalan bulik, Utuh maniring banyak urang singgah gasan bataduh di wadah-wadah nang ada hatapnya.
“Makanya jangan kada ingat mambawa jas hujan mun bamutur,” Utuh mahuluti urang pinggir jalan nang ditiringnya.
Sabujurannya sapanjang jalan Utuh marasa balakangnya dingin. Dalam hatinya, palingan gara-gara jas hujannya tipis jadi tarasa banyu hujannya. Tatap haja Utuh bajalan waktu itu. Akhirnya babaya sampai rumah, pas mambuka jas hujan Utuh tanganga.
“Ai napa baju unda jimus damini. Maka unda mamakai jas hujan sapanjangan jalan,” Utuh basuara dalam hati.
Babaya dihatiakan Utuh bujur-bujur, sakalinya jas hujannya di bagian balakang rungkang. “Bah pantas haja jimus sawakan sampai ka simpak-simpak unda, sakalinya jas hujannya nang rungkang,” jar Utuh. (rin)

loading...

BACA JUGA

Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .