MANAGED BY:
SABTU
15 DESEMBER
KRIMINAL | METROPOLIS | HOT PROMO | BORNEO FC | GAYA
Senin, 22 Januari 2018 00:59
Handak Lamak

PROKAL.CO, Awak lamak kada selamanya talihat kada baik. Urang nang awaknya lamak tu biasanya hibak bisi kawal, apalagi bebinian nang mun manyambat urang lamak tu lucu.
Kabaruntungan urang lamak tu maulah Amat Cungkring -ngaran sikung ni asal sambat anng manulis haja wal lah- handak jua lamak.
Biar lakas lamak, Amat Cungkring kada ampih mambantas. Saban hari, kada pagi, siang, sore wan malam. Nang digawi Amat Cungkring haur mambantas haja.
Kesah handak lamak, tapi parut Amat Cungkring haja nang sekalinya balamak alias buncit. Amat Cungkring marasa ada nang salah wan nang diulah malamakan awak.
Kada hakun parut haja nang talihat lamak alias buncit. Amat Cungkring lalu bacari cara lain.
Lawan jamu nang maulah lamak tapikir wan Amat Cungkring nang kada tahu jamu nang kaya apa gasan melamakan awaknya tu.
Kesah handak betakun wan kuitannya, Amat Cungkring lalu mandatangi kuitannya. Balum sempat tatamu wan kuitannya pas lalu dapur, Amat Cungkring talihat segelas jamu behandakan di meja makan.
Amat Cungkring marasa jamu tu gasan melamakkan awak. Kada pakai betakun, habis ditaguknya jamu tu. Satumat ditaguknya habis, parut Amat Cungkring tarasa mulas.
"Aduh kenapa parut unda ni," sambat Amat Cungkring.
"Kenapa mat," takun kuitannya nang kaluar tumatan dapur.
"Anu mak," sambat Amat Cungkring manahani mual.
"Ikam kah nang minum banyu di gelas ni," takun kuitannya.
"Iya mak," ujar Amat Cungkring.
"Nah ikam rasakan. Itu banyu gasan pus-pus (kucing, Red). Itu banyu obat. Kabujuran pus-pus sakit parut, nah biar nyaman mamak nukarkan ini. Ini jamu gasan kucing," sambat kuitannya wan malihatkan bungkus jamu kucing.(oke/beb)


loading...

BACA JUGA

Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .