MANAGED BY:
SENIN
10 DESEMBER
KRIMINAL | METROPOLIS | HOT PROMO | BORNEO FC | GAYA
Sabtu, 13 Januari 2018 18:20
Tuti = Tatulian

PROKAL.CO, Tuti (lain ngaran urang lah), ujar kekanakan wayah ni kepanjangannya tatulian. Sambatan itu pang nang rancak dihulutkan wan Jaka (lain ngaran bujuran wal). Inya ni kada suah bujur amunnya mendangarkan pandiran urang.
Sebujurnya Jaka ni kada bujur corek pang. Tapinya, sebab kada handak banyak disuruh, lalu ai Jaka ni pura-pura kada mendangar alias tuli. Nah, gara-gara kebiasaan buruk nang rancak meulah urang menyarik tu, Jaka ni rupanya suah kena gawihi kawal satu sekolahnya.
Kesahnya tu bemula pas handak olahraga rutin di lapangan sekolah. Kekawalan Jaka nang sudah bisi nihat handak menggawi ni, lalu becari ide supaya Jaka jara pura-pura kada mendangar. "Nah!" sambat Ilham (jua lain ngaran bujuran wal) nang dapat ide cemerlang gasan menggawihi Jaka.
Habis mengesahkan lawan kekawalanya ide nang Ilham bisi, lalu kekanakan ni mulai menggawihi Jaka nang telihat serius banar melihati guru olahraganya nang jadi instruktur di mukanya.
Sengkat kesah, rupanya ide Ilham nang didapatnya tu, menggawihi Jaka lawan cara mealihkan pandangannya ke guru olahraga di mukanya tu. Supaya kada telihat handak menggawihi, Ilham lalu berdiri parak di samping Jaka sambil mengiau-ngiau pura-pura handak betakun.
"Jak, Jaka," kiau Ilham.
Satu kali kada dihiraukan, Ilham tarus haja mengiau ngaran Jaka, sampai tekeluar banyu liur.
Muar melihat Jaka kada jua mehiraukan, lalu Ilham menggunakan cara memukul pundak Jaka.
"Apa gerang? Urang lagi senam," kuciak Jaka, sampai meulah guru olahraga nang di muka bepaling ke belakangan.
Kurihing-kurihing, Ilham pas melihati muha guru olahraganya tu nang lagi merangut.
"Jak, aku handak betakun. Ikam sudah kah selesaikan PR hari ni?," takun Ilham.
"Bah lah, sudah lah wal. Aku ni kan anak pintar," kuciak Jaka, nang sebujurnya jua balum mengawihi PR matematika tu.
Muyak melihat kelakuan Jaka nang kuciak sing nyaringan, lalu ai guru olahraganya tu memaraki Jaka sambil memingkut pengaras suara.
"Napa ikam kuciak. Olahraga, kada tatulian kah ikam? Kada mendangar suara musik senam sing nyaringan," kuciak guru olagraga tu.
"Nah ikam, rasakan lagi pang bisi kuping tuti alias tatulian," sambat Ilham mehuluti. (oke/beb)

loading...

BACA JUGA

Senin, 12 Oktober 2015 02:20

Kebakaran Bubarkan Pertunjukan Seni

<p>SAMARINDA. Pertunjukan seni tari yang digelar di rumah lamin, di Pampang belum berakhir, pukul…
Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .