MANAGED BY:
RABU
19 SEPTEMBER
KRIMINAL | METROPOLIS | HOT PROMO | BORNEO FC | GAYA
Minggu, 07 Januari 2018 21:49
Asik Bagincu

PROKAL.CO, SUDAH jadi kabiasaan, pokoknya asa kada parcaya diri tu pang mun Aluh ---ni lain ngaran banaran--- bila kaluar rumah mun kada baaksi. Tautama mun kada bagincu atau baalis mata. Tapi harian itu Aluh kalang kabut, soalnya rihatan asik baistirahat di rumah ditalipun bosnya supaya hancap ka kantur. Soalnya di kanturnya ada tamu tumatan luar nang handak mancik kundisi kanturnya.
Ngaran disuruh badadas, kada ingat lagi sudah Aluh baaksi. Pas sampai halaman kanturnya, hanyar Aluh ingat baluman bapupur wan bagincu. Sabaluman masuk ka kantur, imbah mamarkir muturnya Aluh langsung ai mancari wadah gasan bacaramin. Soalnya Aluh handak bagincu wan mamakai pupurnya.
Tuhuk kulih sana sini, akhirnya Aluh talihat oto mangkilap kada jauh tumatan inya badiri. Langsung ai Aluh baparak. Imbah itu dikaluarkannya ai pakakasnya gasan baaksi. Aluh mamakai kaca oto gasan bacaramin.
Asik ai Aluh mamakai gincu wan pupurnya. Babaya lagi maukir gincu di bibirnya supaya jangan talalu tabal, bakajutan kaca oto taturun.
“Astaga ada urangnya sakalinya dalam oto. Baarti tumatan awal unda bacaramin gasan mamakai gincu wan pupur, sudah ada urang di dalamnya,” jar Aluh pina kalang kabut sambil mambuang supan surangannya. (rin/beb)

loading...

BACA JUGA

Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .