MANAGED BY:
RABU
21 NOVEMBER
KRIMINAL | METROPOLIS | HOT PROMO | BORNEO FC | GAYA
Kamis, 04 Januari 2018 14:11
Foto Pakai HP

PROKAL.CO, HAHANYARAN baisi HP, pina himung Adul---ni lain ngaran banaran, asa maka sambat panulis wara. Pokoknya kada kawa bagarak sadikit, bapindah burit baduduk haja haur mamicik HP Adul.
Nang paling katuju Adul, inya kawa mamutu pakai HP-nya. Kabujuran HP Adul kawa dipakai mamutu. Dua lagi, kamiranya. Ada di balakang, ada jua di hadapan.
Nah waktu itu bosnya di kantur, kabujuran Adul bagawi di kantur pambakal, maminta tulung supaya Adul mamutukan. Pas kabujuran ada acara di kantur Adul.
"Pokoknya ikam futu nang baik lah. Unda sudah bagaya pokoknya. Ambil nang baik gaya unda," sambat pambakal kampungnya.
Pokoknya macam-macam tu pang gaya nang dipakai Adul. Bahiring, baduduk sampai bandungkung Adul mangamira. Maklum haja? Adul rihatan basumangat-basumangatnya.
Babaya imbah acara, babaya dilihati, takajut ai pambakal. "Ai napa jadi muha ikam samunyaan Dul. Mana futu acara tadi," pambakal basuara.
Pina bingung ai Adul dapatnya. "Ai napa damini lah," jar Adul.
Akhirnya babaya ditiring, Adul takajut, sakalinya mudel kamiranya gasan layar di hadapan. "Bah ham. Iya sudah. Kada paham pang unda. Maaf haja, maklum HP hanyar ngini," jar Adul mambuang supan sambil babual. (rin)


loading...

BACA JUGA

Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .