MANAGED BY:
SENIN
10 DESEMBER
KRIMINAL | METROPOLIS | HOT PROMO | BORNEO FC | GAYA
Senin, 25 Desember 2017 16:00
Suara Parau

PROKAL.CO, Hobi menyanyi sudah menjadi kesenangan Maman (lain ngaran bujuran wal) dari halus. Tiap hari kada di kamar guring, kamar mandi di jalan di sekolah, Maman selalu menyanyikan lagu-lagu nang paling disukainya.
Tapinya amun siapa nang mendangar suara Maman benyanyi tu, pasti kada ada nang ketuju. Soalnya suara Maman nang ganal banar tu kawa meulah telingan urang nang mendangar panas. Kaya nang dirasai wan Acil Aluh (jua lain ngaran bujuran wal).
Kesahnya Maman wan Acil Aluh ni betetanggaan. Tiap hari Maman wan Acil Aluh ni pasti betengkar. Masalahnya kada lain, muar mendangar suara Maman benyanyi, nang lebih mirip urang nang menahani sakit parut.
Nah, hari tu rupanya anak Acil Aluh lagi garing panas tinggi. Supaya kada diganggu lawan suara Maman, nang pasti benyanyi amunnya bangun guring. Acil Aluh rencananya handak meungsikan anaknya tu ke wadah mintuhanya nang ada di muka gang.
"Mumpung Maman balum bangun guring, sawat ku memindahkan anak ku," sambat Acil Aluh nang gaer banar istirahat anaknya teganggu lawan suara palas Maman.
Sengkat kesah, Maman nang biasa bangun siang, hari tu pina sung-sung banar bangun guring.
Seperti biasa, habis tempungas Mamang lalu haja ke muka rumah sambil membawa gitar wan segelas kopi hirang. Kada pakai banyak pandir, Maman mulai benyanyi sing nyaringan.
Tekajut Acil Aluh mendangarnya, sampai-sampai sidin tekelipik. Apalagi anak Acil Aluh, nang garing jua langsung tebangun.
"Kurang ajar ikam Man, kada tahu anak ku garing kah," kuciak Acil Aluh.
"Mana ku tahu, aku kah bapaknya," sambat Maman sekenanya.
"Dasar bujur telalu ikam ni, awas ikam lah. Suara parau haja dibangakan," mengomel Acil Aluh, sambil menggendong anaknya ke wadahg mintuhanya. (oke)      

loading...

BACA JUGA

Senin, 12 Oktober 2015 02:20

Kebakaran Bubarkan Pertunjukan Seni

<p>SAMARINDA. Pertunjukan seni tari yang digelar di rumah lamin, di Pampang belum berakhir, pukul…
Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .