MANAGED BY:
SENIN
10 DESEMBER
KRIMINAL | METROPOLIS | HOT PROMO | BORNEO FC | GAYA
Minggu, 24 Desember 2017 00:58
Mandangar Lagu

PROKAL.CO, SI Utuh---maaf bila kabujuran sama, ngini ngaran karangan panulis haja--- katuju banar maisi waktu luang gasan banyanyi. Padahal sabujurannya Utuh sudah ditagur nang uma, supaya dibawa ngaji haja. Apalagi mun Utuh sudah banyanyi sambil bagitiran, kada tahu batangah malaman.
Asa panasaran wan suara Utuh, abahnya bangaran Julak Idrak---ngini gin ngaran kakarangan panulis wara--- balaluan mamaraki. Waktu itu sudah liwat jam 12 malam, Utuh asyik haja banyanyi kada karuan tampuh.
Malihat nang kawitan duduk di higanya, makin ai Utuh banyaring banyanyi. Suara gitarnya gin dikatiknya asa banyaring. Pokoknya Utuh handak manunjukkan wan abahnya kalo inya pintar banyanyi lagu Inggris. Mandangar Utuh banyanyi lagu babahasa asing, nang abah unggut-unggut jua.
Dalam hati Utuh rupanya abahnya ni biar awak tuha paham haja wan lagu nang dinyanyikannya. Hampir sajam Julak Idrak unggut-unggut, disangka Utuh masih mahatiakan. Balaluan ai Utuh bamandak, inya manggamit nang abah.
“Dimapa bah, mantap kalo suara unda,” Utuh basuara.
Dipadahi Utuh damintu, Julak Idrak tatap haja unggut-unggut tapi kada jua manjawab. Asa kamunyakan kada dihirani, Utuh balaluan maniring bujur-bujur ka mata Julak Idrak.
“Jiah…piyan guring kah bah, unda sangka unggut-unggut mandangarkan lagu unda,” Utuh basuara.
Asa takalipik, gara-gara takajut, langsung ai Julak Idrak basuara. “Unda tumatan awal ikam banyanyi sudah guring. Unda baparak ikam soalnya di rumah panas hawanya, makanya nyaman di luar wan ikam ada jua nang bajaga,” jawab Julak Idrak.
Mandangar nang kaya itu Utuh kada kawa basuara lagi. “Nah am, tapakalah unda diulah abah,” jar Utuh. (rin)

loading...

BACA JUGA

Senin, 12 Oktober 2015 02:20

Kebakaran Bubarkan Pertunjukan Seni

<p>SAMARINDA. Pertunjukan seni tari yang digelar di rumah lamin, di Pampang belum berakhir, pukul…
Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .