MANAGED BY:
RABU
19 SEPTEMBER
KRIMINAL | METROPOLIS | HOT PROMO | BORNEO FC | GAYA
Kamis, 21 Desember 2017 14:21
Asal Kiyau

PROKAL.CO, HARIAN itu Panjul ---ni ngaran karangan panulis wara--- tulakan ka kampung subalah. Panjul bailang ka rumah kawalannya kuliah. Pas kamarian, babaya malihat banyak babinian bungas mandian wan batasapan di batang di pinggir sungai balaluan ai Panjul wan kakawalannya nang lain handak umpat bacabur.
Panjul wan kekawalannya balaluan maniring babinian bungas. Balaluan ai Panjul nang sudah bacabur mulai mahuluti babini bungas itu, gasan manarik pahatian. Asa panasaran, balaluan ai pulang Panjul batakun wan kawalnya ngaran babini nang diliriknya.
“Siapa babini tu ngarannya lah wal. Bungas banar urangnya, handak unda. Kabujuran unda jumblo,” Panjul basuara.
Balaluan ai kawan Panjul bangaran Amat ---ni gin ngaran karangan panulis--- manyahuti. “Ngarannya Igum wal ai. Coba ikam kiyau, manyahuti tu inya,” Amat mamadahi.
Kada bapikir lawas, Panjul langsung mangiyau. “Ui Gum…Igum. Bakanalan nah,” sambat Panjul.
Mandangar damintu, langsung haja babini nang duduk di batang kada jauh tumatan Panjul bakuciak. “Apa ikam kiyau-kiyau abah unda. Ngintu ngaran abah unda. Handak sakit nyawa lah. Bacari soal haja ni lah,” jar babini itu basuara.
Mandangar damintu takulipik Panjul dapatnya. “Nah am, digawi Amat unda. Unda sangka itu ngaran babininya, sakalinya ngaran kuwitannya,” jar Panjul mamamai Amat. (rin/beb)

loading...

BACA JUGA

Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .