MANAGED BY:
RABU
19 SEPTEMBER
KRIMINAL | METROPOLIS | HOT PROMO | BORNEO FC | GAYA
Selasa, 19 Desember 2017 20:37
Awak Batatto

PROKAL.CO, BISI awak jangan jua dihibaki lawan tato, kena nang kaya kesahnya Julak Amat - ngaran asal sambat nang menulis wal - nang bahari takanal preman di kampung wadahnya bediam.  Tapi Julak Amat ini ditakuti urang pas jaman bahari pang. Wayah ini biar tato hibak kada meolah kekanakan gaer. Banyak tato bisa disambati kekanakan wayah ini. Contohnya haja si Ijul, ngarannya ini gin bujuran kada bujur.
Saban tetamu lawan Julak Amat, Ijul sibuk meitihi tato nang hibak di tangan wan awak Julak Amat. Kebujuran Julak Amat ini kesahnya bekawalan wan abahnya Ijul. Nah kesahnya hari itu Julak Amat datang ke rumah Ijul, handak mendapati abahnya. Ijul nang melihati awak Julak Amat hibak wan tato, pina kipuh melihati gambarnya. Si Ijul ini kesahnya jua, ketuju menggambar di rumah. Inya jua sudah lawas minta tukarkan buku gambar dengan abahnya. Tapi abahnya Ijul ini urangnya kada peingatan. Makanya sampai Julak Amat datang, buku gambar pesanan Ijul kada jua tetukar.
Makanya pas Julak Amat bekesahan wan abah Ijul, si Ijul umpat jua duduk mendangari kesah. Ijul tarus haja meitihi awak Julak Amat nang banyak banar tatonya.
“Woi Jul, apa nang ikam lihati. Kada bulih ikam melihati awak urang tuha. Ikam bemainan haja sana,” jar abahnya menagus Ijul.
Julak Amat nang merasa awaknya dilihati, langsung memadahi. “Ijul ini pasti himung melihati tato di awak unda. Unda ini dulu preman Jul ai,” jar Julak Amat.
Mendangar kayak itu, Ijul sekalinya tepandir jua. Nang ngarannya kekanakan halus, Ijul kada kawa menyimpan pandiran nang sebujurannya kada bulih dipandirkan.
“Ulun umpat betakun Julak, pian tumatan halus sama kayak ulun pinanya. Handak minta tukarkan buku gambar, tapi kada ditukarkan. Makanya pian menggambar di awak,” jar Ijul kada tahu-tahu muha bekesah.
Mendangar kayak itu, tekelipik Julak Amat. Apalagi abah Ijul.
“Uma ai kekanak ini, kada paham soal tato pang masih. Dikiranya unda kada ditukarkan buku gambar tumatan halus jadi menggambar di awak,” jar Julak Amat kesupanan sorang.
Abah Ijul behancap menarik Ijul ke dalam kamar, supaya kada besuara nang kada-kada lagi. (oke/upi)

loading...

BACA JUGA

Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .