MANAGED BY:
RABU
19 SEPTEMBER
KRIMINAL | METROPOLIS | HOT PROMO | BORNEO FC | GAYA
Senin, 18 Desember 2017 20:42
Bacari Iwak

PROKAL.CO, MUSIM parai sakulah damini, Utuh ---ngini lain ngaran banaran lah---ketuju banar tulak meunjun wan kekawalannya gasan bacari iwak sambil mahabiskan waktu. Pas paraian hari itu kekawalan Utuh nang lain banyak nang sibuk. Jadi ai Utuh tulak manyurangan wara.
Supaya nyaman, Utuh tulak meunjun membawa sangu pamakan gasan dibantas. Jadi kisahnya Utuh kada ngalih bila kelaparan. Hitungan Utuh biar kada dapat iwak banyak, inya handak berekreasi haja.
Pas sampai di wadah peunjunan biasanya,  Utuh langsung menyiapkan alat meunjunnya. Lawas Utuh menimbai umpan kada ada jua iwak nang kawa disisitnya. Kalo ada, umpannya habis bedahulu tapi bila disisit iwaknya kada ada lagi.
Utuh sudah habis kasabaran. Akhirnya Utuh merasa hujung unjunannya begerak. Rupanya umpan nang ditimbainya sudah disambar iwak.
"Akhirnya ada jua nang mematuk umpan unda. Kalo nang damini unda biarkan haja dahulu iwaknya mahabisi umpan unda, bila sudah rasa begagah banar hanyar unda sisit. Pasti dapat tu pang," Utuh bapandir sambil manggarunum sorangannya.
Bujur jua, kada lawas imbah itu iwak pina begagah kuat. Telihat tali unjunan Utuh begarak ke sana ke mari.
Takutan kalo iwaknya lapas, Utuh nang rihatan beduduk langsung haja bediri.  Kada sengaja pas waktu itu inya bediri itu batisnya tesipak bungkusan nasi nang dibawanya, nang diandak di higa inya duduk.
Bungkusan nasi itu tegugur di banyu, di bawah batang. Pas unjun diangkat, wara anak buhaya. "Nah ini maka am. Lain iwak nang didapat, malah nasi sangu unda tegugur ka sungai," jar Utuh manyanyarik. (rin/beb)

loading...

BACA JUGA

Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .