MANAGED BY:
RABU
19 SEPTEMBER
KRIMINAL | METROPOLIS | HOT PROMO | BORNEO FC | GAYA
Minggu, 17 Desember 2017 19:56
Meantri di Pom Bensin

PROKAL.CO, WAYAH ini banyak banar urang nang meantri di pom bensin. Soalnya harga bensin handak dinaikkan. Kada ketinggalan, Palui (ni lain ngaran bujur lah) jua umpat meantri di pom bensin nang kada jauh tumatan rumahnya.
"Mun unda telambat umpat meantri, kena unda kehabisan. Mun tekaisuk hanyar meisi, harga bensinnya benaik," Palui besuara dalam hati.
Behancap ai Palui mehidupkan motornya, menuju ke pom bensin. Tapi belum sampai, mendadak motornya mati. Bingung ai Palui melihat motornya mati. Tuhuk Palui menyelingar motornya, kada jua mau benyala.
Sampai tepaluh Palui menyelingar, kada mau jua hidup motornya. Kebujuran waktu itu lewat Adul. Melihat Palui tepaluh mehidupi motor, Adul menyinggahi.
"Mogok kah wal. Cuba ikam lihati kalo bensinnya. Siapa tahu habis," Adul besuara.
Mendengar nang kaya itu behancap ai Palui membuka jok motornya. Cuma masalahnya Palui kada kawa melihat ke dalam tangki bensin. Soalnya kebujuran mulai kadap.
"Bisa jua habis bensin lah. Unda kada tepikiran tadi tu. Tapi nang kaya apa melihati ke dalam tangki," sambat Palui.
Belakas ai Palui mehahar kantongnya gasan mencari korek.
Imbah itu belakas dilikitnya korek, persis di hadapan luang tangki. Kada disangka Palui sekalinya api benyala tumatan dalam tangki. Melihat nang kaya itu tekelipik Palui. "Ai kenapa pulang malah beapi nang kaya ini motor unda," jar Palui.
Kada menolongi, Adul malah tetawa. "Nah ikam. Habis am motor benyala. Tapi habis tebakar, lainnya benyala supaya mau jalan. Ikam melikit korek parak bensin pang. Makanya tebakar," Adul mehuluti. (rin/nha)




loading...

BACA JUGA

Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .