MANAGED BY:
MINGGU
21 OKTOBER
KRIMINAL | METROPOLIS | HOT PROMO | BORNEO FC | GAYA
Minggu, 10 Desember 2017 20:39
Kada Bisa Bekunyung

PROKAL.CO, PANJUL-ni lain ngaran bujurlah- tulak ke pantai wan kekawalannya gasan meisi waktu liburan sekolah. Sampai di pantai nang dituju, kekawalan Panjul nang lain behancap memacul baju gasan betajun. Rami banar kekawalan Panjul bemainan ajakan, sambil behulutan.
Sementara kekawalannya asyik bemandian, Panjul malah bediam haja meitihi tumatan jauh. Kelawasan melihati, Panjul akhirnya handak jua umpat betajun gasan mandian wan bemainan.
"byurr" Panjul betajun tumatan bekas tabangan batang nyiur di situ. Melihat Panjul sudah begabung, kekawalannya langsung mengerubuni inya. Lawas kekawalannya mehadangi Panjul muncul imbah betajun, tapi kada ada jua inya telihat.
Kagum kekawalannya melihat Panjul. "Beh harat jua Panjul ni lah. Imbah betajun langsung menyelam. Lawas pulang inya benyalam. Tahan banar Panjul ni benyalam," sambat kawalnya bengaran Amat Lamak.
Kada lawasa imbah disambat kaya itu Panjul timbul. "Jul diam-diam ikam ni harat benyelam lah. Kami haja nang biasa bekunyung kada bisa lawas kaya ikam nang kaya itu," Amat besuara pulang.
Sambil tegagap Panjul menjawab, "Unda kada bisa menyalam wal ai. Makanya unda lawas tinggalam tadi. Unda menyangka mati sudah tadi pas di dalam banyu. Unda bingung nang kaya apa handak bekunyung," jar Panjul.
Mendengar nang kaya itu kekawalannya nang lain tediam haja. "Sudah wal lakasi ikam naik sudah. Dari pada ikam tinggalam kaina, malah kami nang jadi saksi pulang," Amat menyahuti sambil behancap menarik Panjul ke higa pantai. (rin)

loading...

BACA JUGA

Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .