MANAGED BY:
RABU
21 NOVEMBER
KRIMINAL | METROPOLIS | HOT PROMO | BORNEO FC | GAYA
Sabtu, 02 Desember 2017 11:49
Mandangarkan Lagu

PROKAL.CO, POKOKNYA bila sudah Hadran--- ni ngaran karangan panulis wara, maaf haja bila kabujuran sama--- bagawi, bingung tu pang kakawalannya malihat. Makanya Hadran dikenal cangkal bagawian. Pokoknya asal ada hit sit di talinganya, kada bagarak bila gawiannya kada tuntung.
Sampai-sampai bosnya di kantur mamadahi pagawai nang lain supaya maumpati cara bagawian Hadran. “Bubuhan ikam cuntuh Hadran haja. Kada apa-apa begawi sambil mandangarkan musik, tapi nang panting tuntung gawian,” bosnya mamuji Hadran.
Mandangar damintu asa panasaran ai kakawalannya. Apalagi wayah ini Hadran sampai wani bulik pandudian. Akhirnya di antara kawannya ada nang maintai Hadran.
Babaya nang lain sudah bulik, ada kawannya nang bapatak di mija kada jauh tumatan Hadran baduduk. Samantara Hadran sampat hahalingau mahatiakan urang di higa. Asa aman, balaluan ai Hadran mamindah layar di kumputernya.
“Bah pantas haja ikam tahan balawas di muka kumputer lah. Sakalinya ikam manuntun pelem urang tuha lah. Pantas haja Dran ai,” kawannya managur tumatan balakang.
Sadar ada urang di balakangnya, kalang kabut Hadran mangganti gambar di kumputernya. “Hayo ikam katahuan,” jar kawannya mangajuti. (rin/beb)


loading...

BACA JUGA

Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .