MANAGED BY:
KAMIS
20 SEPTEMBER
KRIMINAL | METROPOLIS | HOT PROMO | BORNEO FC | GAYA
Jumat, 01 Desember 2017 13:13
Hintalu Busuk

PROKAL.CO, Saban kawalnya ulang tahun, Utuh -ngaran sikung ni asal sambat nang manulis haja wal lah- himung handak manggawi.
Utuh nang rancak manggawi kawalnya nang baulang tahun tu pandai mangajuti. Amun dikajuti wan Utuh, kawal nang baulang tahun kada kawa bukah.
Nang kaya kesah Galuh -ngaran sikung ni jua asal sambat nang manulis haja wal lah- nang hari tu kesahnya baulang tahun.
Mulai wadah badiam handak tulak ka sakulah Galuh pina gelisan. Galuh tekutan pas sampai di sakulah digawi wan Utuh.
Nang ditakutani Galuh bujur. Utuh rupanya sudah mahadangi di kelas. Utuh handak mangajuti Galuh, kesahnya pas Galuh mambuka lawang kelas, hintalu busuk wan tepung handak dihimpatkan Utuh.
Kekawalan sekalas wan Utuh katuju berataan. Semuaan jua umpat handak mahimpat hintalu busuk wan tapung ka muha Galuh.
Selawasan mahadangi, Galuh nang ditunggu-tunggu datang. Semuaan kekawalan kalas Galuh siap mahimpat. Utuh kesahnya nang mamimpin, amun habsi Utuh mahimpat kekawalannya baru bulih mahimpat.
Lawang kalas dibuka, Utuh nang dasar macal bahimat mahimpat hintalu busuk wan tapung tu ka lawang lawan bakuciak kagirangan.
Malihat Utuh mahimpat, kekawalannya nang lain umpat jua mahimpat. Tapi imbah mahimpat, Utuh lawankekawalannya tadiam.
"Siapa nang mahimpat ni. Maka busuk banar hintalu ni," sarik nnag kena himpat rupanya guru.
"Utuh pak," tunjuk berataan kawal Utuh.
"Kurang ajar ikam. Sana ikam badiri di muka tihang bendera. Ikam dijamur," sarik guru tu.
Galuh nang rupanya basambunyi di balakang gurunya tu kurihing malihat Utuh dijamur.(oke/nha) 

loading...

BACA JUGA

Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .