MANAGED BY:
RABU
21 NOVEMBER
KRIMINAL | METROPOLIS | HOT PROMO | BORNEO FC | GAYA
Senin, 27 November 2017 01:30
Disariki Pilot

PROKAL.CO, Udik kabiasaan nang dibisi wan Mamat -ngaran sikung ni asal sambat nang manulis haja wal lah-, gara-gara rancak banar teheran-heran amunnya melihat sesuatu nang hanyar tu, Mamat suah diulah supan surangan.
Nah kesahnya tu, pas Mamat diajaki wan kekawalnnya nang begawi di Bali, dibawai Utuh -sikung ni jua ngaran asal sambat haja wal lah- bajalanan ka sana. Ngarannya handak tulak jauh, nang dipakai pesawat.
Sakitnya tui Mamat nang dibawai hanyar sakali tu tulak bajalanan naik pasawat. Maklum urang kampung jadi kada tahu.
Sengkat kesah, Mamat wan Utuh tulak ke bandara. Selawasan mahadangi pasawat Utuh himung mangesahkan nang nyaman-nyaman di wadahnya begawi.
“Nah wal ikam parnah naik pesawat jua kah?,” takun Utuh.
“Kada, maka ikam tahu surang kada ada pesawat di kampung wadah kita bediam,” sambat Mamat polos.
“Nah, unda bari ikam nang spesial. Ikam duduk di muka,” sambat Utuh.
Senang hati Mamat mendangar pandiran Utuh. Imbah manyambat nang kaya tu, Mamat lawan Utuh naik ka pesawat.
“Lakasi wal, kena kita tetinggal,” sambat Utuh.
“Hi’ih,” ujar Mamat nang lalu bukah.
Sabab nang naik ka pasawat urangnya badasakan, Mamat bingung handak duduk di mana. Malihat ada nang batakun ka pramugari, Mamat lalu umpat jua batakun.
Imbah ditunjukan wadah duduknya di muka. Mamat lalu bajalan ka muka pasawat wadah duduk pilot.
"Bah nyamannya di sini. Semuaan unda lihat," senang banar hati Mamat.
"Eh ikam siapa," takun urag dihiga Mamat.
"Aku kawal Utuh. Aku handak ka Bali," sambat Mamat.
"ikam kaluar. Cari wadah duduk ikam di balakang. Ini bangku gasan pilot," sarik urang nang sakalinya bujuran pilot pasawat tu.(oke/nha)

loading...

BACA JUGA

Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .