MANAGED BY:
RABU
17 OKTOBER
KRIMINAL | METROPOLIS | HOT PROMO | BORNEO FC | GAYA
Minggu, 19 November 2017 21:08
Mambuang Hajat

PROKAL.CO, Saban sore, Nanang, Utuh, Jamal lawan Panjul -berataan ngaran tu asal sambat nang manulis wal lah- katuju bakunyungan di sungai.
Kalonya sudah mandian di sungai, kaampat kekanakan tu kada ada nang ingat lawan waktu. Bisa parak urang handak adzan magrib hanyar kekanakan ni ingat bulik.
Nang kaya harian tu. Imbah uyuh lawan bapaluh main bal, Nanang, Utuh, Jamal lawan Panjul lalu bacabur ka sungai.
Asik bakunyungan, Utuh nang tadinya bakunyung lawan bemainan beramian wan betiga kawalnya tu begamatan ka pinggir.
Utuh mamaluk batang kayu. Imbah maragap batang tu, Utuh bahinip selawasan. Kekawalannya nang malihat Utuh bakalakuan aneh lalu managur.
"Tuh lakasi. Beapa ikam meragap batang," takun Nanang.
Ditagur, Utuh kada jua manjawab. Jamal lawan Panjul Nang giliran heran lawan kalakuan Utuh nang kada jua handak bagarak ditagur.
Mauk lawan kalakuan Utuh. Betiga kekawalannya begamatan memaraki Utuh nang pina nyaman banar maragap batang tu.
Kesah handak mangajuti, bagitu parak tabalik Nanang, jamal lawan Panjul nang tahambur lawan bakuciak.
"Astaga ikam behera kah Tuh," kuciak Nanang bukah bakunyung ka tepi sungai.
"Beapa bubuhan ikam baparak. Unda Mambuang hajat," hanyar Utuh manyahut, tapi betiga kekawalannya handak tamuntah barataan.(oke/nha)   

loading...

BACA JUGA

Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .