MANAGED BY:
RABU
17 OKTOBER
KRIMINAL | METROPOLIS | HOT PROMO | BORNEO FC | GAYA
Minggu, 12 November 2017 20:42
Asal Timbai

PROKAL.CO, POKOKNYA saban baisukan Panjul---ni lain ngaran bujur, asa maka sambat panulis wara--- batugas mambuangi sampah di rumahnya. Mun inya kada tiap baisukan, minimal dua hari sakali pasti Panjul mambuang sampah. Maklum haja, kuwitan Panjul bajulan makanan jadi ada haja sampah nang dibuang.
Harian itu rihatan garimis. Rihatan nyanyamannya Panjul guring?, dibangunkan kuwitannya nang minta buangikan sampah.
Panjul dasar mambuang sampah baisukan, soalnya ada aturan memang damintu di kampungnya. Bila inya katahuan mambuang sampah baisukan, pati sampahnya kada ada lagi. Soalnya langsung diangkut ka pambuangan akhir.
Sabujurannya asa barat pang mata Panjul. Apalagi waktu itu inya imbah bagadang samalaman, imbah manuntun main bal di TV.
Akhirnya sambil bahujan-hujan Panjul tulak bamutur mambuang sampah. Babaya sampah ka wadah pambuangan, langsung haja Panjul manimbai sabuting-sabuting palastik bisi sampah ka pati panampungan.
Biasanya Panjul mambuat bagimitan palastik sampah.
Babaya rihatan Panjul handak manimbai palastik tarakhir, inya takulipik. Bakajutan mancungul kapala tumatan dalam pati sampah. Maka di kapala nang mancungul hibak sampah iwak nang dibuang Panjul.
"Astaga, kada salah lihat kah unda," Panjul basuara.
Langsung ai tadangar suara manyahut. "Iya kada salah lihat. Bujuran ini, habis unda ikam timbai sampah. Balilihat mun handak manimbai sampah ka patinya," jar urang dalam pati, nang rupanya pamulung nang biasa mancari barang bakas.
Mandangar damintu, apalagi dilihatnya mata urang dalam pati pina manciling tanda sarik. Hancap ai Panjul maminta maaf.
"Maaf lah, unda kada singhaja," jar Panjul badadas manyalingar mutur bajauh. (rin/nha)



loading...

BACA JUGA

Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .