MANAGED BY:
RABU
17 OKTOBER
KRIMINAL | METROPOLIS | HOT PROMO | BORNEO FC | GAYA
Kamis, 09 November 2017 17:26
Batunjul Mutur

PROKAL.CO, SUDAH dipadahi kuwitannya supaya jangan rancak balalah, soalnya rihatan rami musim razia, tapi Idrak---ni lain ngaran banaran lah, asa maka sambat panulis wara--- kada pa asian. Inya tatap haja bajalan mamakai mutur kuwitannya.
Maka mun manunggang mutur, Idrak paling kada katuju mamakai hilim. “Drak baingat jua mun balalah. Jangan karancakan mun kada ada parlu. Maka ikam kada suah mamakai hilim lagi. Ngini musim razia Drak ai,” kuwitannya mamadahi.
Hanyar haja dipadahi kuwitannya, sudah Idrak manyalingar mutur kuwitannya. Langsung haja Idrak balalah. Malihat damintu, tauling-uling kapala haja lagi kuwitannya.
Tapi bangaran kada pa asian, Idrak kana batunya. Kada jauh tumatan rumahnya, Idrak takajut. Kada jauh di hadapannya sudah banyak pulisi badiri. Rupanya rihatan ada razia. Handak babulik kada kawa lagi, jadi paksa ai Idrak mamatikan masin mutur.
Imbah itu Idrak manunjul mutur nang dipakainya maliwati pulisi di hadapannya. “Pak parmisi lah, maaf umpat liwat. Mutur unda muguk nah,” Idrak basuara.
Disangka Idrak kalo inya baalasan manunjul mutur kada bakal dirazia, tapi inya salah. “Kada usah handak baparagah mutur muguk lah. Unda sudah mahatiakan ikam tumatan jauh. Hayo lakasi nyalakan mutur ikam, jangan badusta. Danda tilangnya kaina bisa tambah banyak,” salah saurang patugas mamadahi.
Mandangar damintu asa lamah lintuhut Idrak, soalnya akal-akalannya katahuan patugas. “Iya am, katulahan wan kuwitan unda ni pinanya,” jar Idrak basuara. (rin/beb)

loading...

BACA JUGA

Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .