MANAGED BY:
RABU
17 OKTOBER
KRIMINAL | METROPOLIS | HOT PROMO | BORNEO FC | GAYA
Rabu, 08 November 2017 15:59
Pakai Sampo

PROKAL.CO, Sama lawan rambut, ujar Nanang (lain ngaran bujuran wal) nang handak membasuh motor hanyarnya hari tu. Gara-gara kada bisi sabun gasan membasuh motornya nang hibak banar lawan licak, Nanang lalu meambil sampo rambut ampun mamanya.
Nah sebab ketahuan, Nanang tekena sakitnya. Kekanak sikung ini disuruh wan dipaksa mamanya membasuh truk abahnya nang jua telihat rigat banar sebab hibak lawan lumpur.
Kesahnya bemula, hari tu Nanang nang hanyar haja bulik sekolah, telihat sibuk banar menarik selang dari dalam rumahnya. Dilihat-lihat, Nanang ni pinanya handak membasuh motornya hanyarnya nang rigat pas dipakai tulak ke sekolah.
"Mak, ada melihat di mana sabun gasan membasuh motor," tanya Nanang.
"Kada tahu," kuciak mamanya nang sibuk masak di dapur.
Lawas mencari-cari tapi tetap kada tetamu jua, Nanang lalu masuk ke kamar mandi. Awalnya Nanang mencari sabun cuci, kada jua ketemua jua. Nanang lalu meambil sampo ampun mamanya.
Tapinya pas lagi asyik membasuh, , Nanang tekajut mendangar kuciakan mamanya.
"Nanang....," kuciak mamanya.
"Iya," sambat Nanang.
"Nah ikam lah, bujur-bujur membasuh motor pakai sampo rambut mama lah," sarik mamanya.
"Anu mak, sabun cuci motor ulun hilang," sambat Nanang.
"Kada ada alasan. Pokonya ikam jua harus membasuh truk abah ikam itu sampai bersih. Basuh jua pakai sampo tu," suruh mamanya, nang disambut Nanang wan muha merangut. (oke/beb)   
 

loading...

BACA JUGA

Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .