MANAGED BY:
SENIN
25 JUNI
KRIMINAL | METROPOLIS | HOT PROMO | BORNEO FC | GAYA
Senin, 06 November 2017 15:11
Muntung Tekunci

PROKAL.CO, Banyak pandir, ujar urang jua kada ada nang baiknya. Apalagi amunnya bepandir nang kaya urang penahu. Sudah nang kaya tu apa nang dipandirkan kada suah nyambung. Kaya kesahnya Jamal (lain ngaran bujuran wal).
Gara-gara bisi kebiasaan nang ketuju memotong pandiran urang, rupanya Jamal suah kena sariki. Sebabnya, Jamal nang lagi membantas nasi kuning, handak banar dibayarkan wan Julaknya nang jua lagi sibuk sarapan wan RT.
Awal kesah, hari tu Jamal nang bangun pina sung-sung banar, benihat handak mencari sarapan gasan parutnya surang nang bujur tarus haja bebunyi. "Bah kaya ini nyaman banar amunnya sarapan nasi kuning," sambat Jamal.
Kada pakai banyak pandir lagi, lakas-lakas Jamal tulak ke warung nasi kuning nang ada di muka gang wadahnya bediam. Sampai di warung tu, rupanya Jamal tetamu lawan Julaknya nang jua lagi sarapan wan pak RT.
"Nah, kebujuran," sambat Jamal mengajuti.
"Ikam handak sarapan jua kah mal?' takun Julaknya.
"Iih...," sambat Jamal lagi.
Tahu Julaknya nang sebuting ni terkenal wan pelitnya, Jamal lalu becari akal supaya nasi kuning nang inya bantas tu dibayari. Pikir tarus bepikir, Jamal nang bisi kelebihan kawa mehaur pandiran urang, lalu haja umpat becabur, bepandir wan Julaknya wan RT.
Lawas-lawas, pandiran Jamal rupanya meulah kuping Julaknya wan RT panas. Saking panasnya Julak Jamal kada kawa menahan lagi.
"Ikam tu apa Mal? Urang bekesah ke timur, ikam ke barat," sarik Julak.
"Oooh, mengesahi peta wilayah kah? Sagan ulun julak mengesahi KTP," sambat Jamal santai.
"Bah ikam tu. Kaya kada tahu maksud kam haja. Handak dibayari nasi kuning kalo? Sudah pandiran kada nyambung, minta dibayarkan pulang. Kam kunci dulu muntung ikam tu nah, hanyar ku bayarkan," sambat Julak sambil menghimput kunci pintu rumah ke muha Jamal. (oke)    

loading...

BACA JUGA

Minggu, 18 Februari 2018 15:43

Mancubai Haja

HARIAN itu Utuh--- ni lain ngaran banaran, asa maka sambat panulis haja--- singgah ka tuku nang bajualan…

Minggu, 11 Februari 2018 20:29

Taigut Kaos Batis

Kamana-mana salalu baampat. Ujang, Utuh, Panjul wan Paluy -seberatan tu ngaran asal sambat nang manulis…

Minggu, 28 Januari 2018 21:52

Band Kuda Lumping

KEKANAKAN wayah ini dasar harat-harat pang. Ada nang bekumpulan naik mutur, sepalihan ada nang bekumpulan…

Sabtu, 27 Januari 2018 13:47

Jas Hujan Rungkang

MALAM itu Utuh--- ni ngaran asa maka sambat panulis wara--- kabujuran kana giliran lambur bagawi. Babaya…

Senin, 22 Januari 2018 00:59

Handak Lamak

Awak lamak kada selamanya talihat kada baik. Urang nang awaknya lamak tu biasanya hibak bisi kawal,…

Sabtu, 13 Januari 2018 18:20

Tuti = Tatulian

Tuti (lain ngaran urang lah), ujar kekanakan wayah ni kepanjangannya tatulian. Sambatan itu pang nang…

Minggu, 07 Januari 2018 21:49

Asik Bagincu

SUDAH jadi kabiasaan, pokoknya asa kada parcaya diri tu pang mun Aluh ---ni lain ngaran banaran--- bila…

Jumat, 05 Januari 2018 16:56

Muntung Tekunci

  Banyak pandir, ujar urang jua kada ada nang baiknya. Apalagi amunnya bepandir nang kaya urang…

Kamis, 04 Januari 2018 14:11

Foto Pakai HP

HAHANYARAN baisi HP, pina himung Adul---ni lain ngaran banaran, asa maka sambat panulis wara. Pokoknya…

Jumat, 29 Desember 2017 15:10

Kerupuk Layat

"Ngalihnya dikunyah," ujar Kai Idup (lain ngaran bujuran wal), urang tuha nang kada bisi gigi, pas membantas…
Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .