MANAGED BY:
RABU
19 SEPTEMBER
KRIMINAL | METROPOLIS | HOT PROMO | BORNEO FC | GAYA
Minggu, 05 November 2017 01:25
Tekutan Disunat

PROKAL.CO, KAMPUNG wadah bediam Ucup ---ngaran asal sambat nang menulis wal lah---, handak ada sunatan masal nang digawi dokter lawan mantri puskesmas parak wadah bediam Ucup.
Nah kuitan Ucup nang dapat habar handak ada sunatan masal tu kagirangan surang, sababnya kuitan Ucup tu handak mandaftarkan kakanak sikung tu umpat sunatan masal.
Supaya Ucup kada tekutan umpat sunatan masal tu, kuitan Ucup kada sama sakali mambaritahu Ucup sampai hari acara sunatan masal di kantor lurah tu mulai.
"Cup, umpat mamak lakasi," sambat kuitannya tu. "Ka mana mak," takun Ucup.
"Umpat haja lakasi, tapi ikam ganti dulu salawar ikam lawan tapih ni," ujar kuitannya tu.
Tahu banar handak dibawa ka kalurahan umpat sunatan masal, Ucup rupanya kada kahabisan akal, meumpati haja apa nang diparintahkan kuitannya tu.
Imbah sampai di kalurahan, bujur jua parkiraan Ucup nang malihat kuitannya mandaftarkan ngaran Ucup ka panitia.
"Nah kalo mamak handak ulun disunat," ujar Ucup nang mulai manangis.
"Sudah ikam jangan banyak kesah. Barabah haja ikam di situ," sambat kuitannya nang manunjuk wadah berabah.
Kada lawas imbah barabah, dokter lawan mantri lalu mamaraki Ucup nang handak disunat. Tapi pas maraba wadah nang handak disunat, dokter lawan mantri takajut kada ada manamukan nang handak disunat.
"Bu, anak pian ni lalaki kah babini," takun mantri.
"Lalaki lah, ni lihati haja," sambat kuitannya nang lalu haja mambuka tapih Ucup.
"Bah pantas kada tatamu, ba sempak rupanya. Buka lakasi, kena unda buka paksa," sarik mantri tu.
Gaer Ucup disariki, kakanak sikung ni lalu haja bagamatan mambuka sebuting-sebuting sempak nang balapis dipakainya.(oke)

loading...

BACA JUGA

Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .