MANAGED BY:
RABU
19 SEPTEMBER
KRIMINAL | METROPOLIS | HOT PROMO | BORNEO FC | GAYA
Sabtu, 14 Oktober 2017 11:00
Tabung Elpiji

PROKAL.CO, Motor Amat -ngaran asal sambat nang manulis haja wal lah- hanyar. Maka kreditan baluman lunas alias masih lawas lagi.
Tapi Amat nang ditukarkan motor gasan inya pulang bulik pada sakulah tu bisi kahandakan maulah motornya tu nang kaya motor balap.
Nang dipikiran Amat, paling kada motor ampunya tu nang kaya di tivi nang tadangar sangar suara kenalpot lawan ada gas nang maulah motornya tu magin laju.
Handak jua lawan motor nang dilihat di tivi. Amat mulai mangganti kenalpot nang biasa lawan nang suaranya kawa mambungi urang sakampung.
Imbah kenalpot teganti, Amat lalu bapikir handak mamasang tabung gas nang kawa maulah motornya magin laju. Tapi Amat bingung, tabung apa nang kawa inya pasang.
Lawas bapikir Amat talihat tabung gas elpiji nang dibawa kuitannya. Tabung elpiji tu hanyar haja ditukar wan kuitannya tu.
"Mat pasang tabung elpiji ni lah. Mamak handak bemasak," sambat kuitannya.
"Hiih mak," sahut  Amat.
Lawas mahadangi Amat mamasang tabung elpiji tu, kuitannya lalu ka dapur handak mamasak.
"Mat. Mana tabung elpiji tadi. Kenapa balum ikam pasang," kuciak kuitannya nang mandatangi Amat di muka rumah.
"Stumat mak, ulun cobai di motor dulu bagus kada," sambat Amat.
"Astaga Mat. Kurang gawian kah ikam. Tabung elpiji dihandak di motor. Maka baluman lunas motor tu. Meledak kena. Lakasi pasang," sarik kuitannya nang malihat tabung elpiji handak dipakai wan Amat gadan maulah laju motornya.(oke/beb)

loading...

BACA JUGA

Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .