MANAGED BY:
SABTU
18 AGUSTUS
KRIMINAL | METROPOLIS | HOT PROMO | BORNEO FC | GAYA
Kamis, 12 Oktober 2017 15:06
Anak Kambar

PROKAL.CO, Kalas Panjul -ngaran asal sambat nang manulis wal lah, hanyar kadatangan kekanakan nang ngarannya Juli -ngaran sikung ni jua asal sambat wal lah.
Juli ni kesahnya anak urang beduit. Kabujuran rancak pindah-pindah sakulah maumpati kuitannya. Nah kabujuran Juli umpat pindah wan basakulah di wadah Panjul. Maka duduknya basabalahan wan Panjul.
Ngarannya kekanak hanyar, Panjul katuju mangesahi Juli. Apa-apa kah nang dikesahkan Panjul, sampai ka wadah Juli badiam jua dikesahkan.
Kabujuran jua wadah bediam Juli nang parak wan sakulah tu ujar urang angker. Kada tahu tumatan mana memadahi angker.
Handak tahu bujur kadanya urang manyambat wadah bediam Juli angker, laluai bulikan sakulah Panjul umpat ka wadah badiam Juli.
Sanang banar hati Juli ada kawal sakulah nang hanyar dipatuhnya tu handak umpat ka wadahnya bediam. Sampai wadah bediam Juli, Panjul mandadak handak bakamih.
Imbah manunjukan wadah bakamih, Juli lalu masuk ka kamar. Pas kaluar wadah bakamih Panjul tatamu wan Juli nang handak masuk ka kamar lain.
"Kemana ikam," takun Panjul.
Kada manjawab, urang nang mirip wan Juli tu tarsanyum haja. Imbah urang nang mirip tu manutup lawang, Juli managur tumatan wadahnya guring di hujung.
"Njul sini. Beapa ikam di situ. Ini kamar unda," sambat Juli?.
Malihat Juli managur tumatan lawang kamar di hujung. Muha Panjul langsung pucat, imbah tu bukah lawan bakuciak.
"Hantuuu," kuciak Panjul himung mambuka lawang rumah nang takunci.
"Kenapa ikam," tariak Juli.
"Ada urang mirip ikam. Iya kalo, wadah ikam bediam ni bahantu," sambat Panjul.
"Dimana," takun Juli.
"Itu nah parak wadah bakamih. Unda tadi tatamu," sambat Panjul tetangis.
"Oh, itu kembarang unda. Ngarannya Utuh ---ngaran asal sambat jua wal---," pandir Juli.
"Iya kah, kenapa kada bapadah ikam," sambat Panjul nang takamih di salawar.
"Ikam kada batakun," jawab Juli santai.(oke/nha)


loading...

BACA JUGA

Minggu, 18 Februari 2018 15:43

Mancubai Haja

HARIAN itu Utuh--- ni lain ngaran banaran, asa maka sambat panulis haja--- singgah ka tuku nang bajualan…

Minggu, 11 Februari 2018 20:29

Taigut Kaos Batis

Kamana-mana salalu baampat. Ujang, Utuh, Panjul wan Paluy -seberatan tu ngaran asal sambat nang manulis…

Minggu, 28 Januari 2018 21:52

Band Kuda Lumping

KEKANAKAN wayah ini dasar harat-harat pang. Ada nang bekumpulan naik mutur, sepalihan ada nang bekumpulan…

Sabtu, 27 Januari 2018 13:47

Jas Hujan Rungkang

MALAM itu Utuh--- ni ngaran asa maka sambat panulis wara--- kabujuran kana giliran lambur bagawi. Babaya…

Senin, 22 Januari 2018 00:59

Handak Lamak

Awak lamak kada selamanya talihat kada baik. Urang nang awaknya lamak tu biasanya hibak bisi kawal,…
Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .