MANAGED BY:
JUMAT
24 NOVEMBER
UTAMA | SAMARINDA | METROPOLIS | OLAHRAGA | KALTIM | METROLIFE | BUJUR-BUJUR

BUJUR-BUJUR

Rabu, 13 September 2017 16:29
Motor Dirantai

PROKAL.CO, Saban hari kada siang wan malam gawian Panjul -ngaran asal sambat nang manulis haja wal lah, haur bejalan kada jalas kamana tujuannya.
Maka mun sudahnya bajalan Panjul kada ingat lawan waktu. Kada paduli kuitan jua handak bajalan, Panjul nang dasarnya babal tu tatap ngalih dipadahi.
Semuaan cara sudah dipakai lawan kuitannya supaya maulah Panjul kada bejalan. Mulai manggembok pagar, manyambunyikan kunci motor, mangempesi ban motor sampai mahadangi Panjul di muka lawang. Semua sudahnya digawi kuitannya, tapi tatap haja Panjul kawa lolos.
Mauk lawan kalakuan Panjul anng kada parnah handak mandangar pandiran kuitan, Panjul nang handak bajalan ka mana haja tu dibiarkan haja.
Nah nang kaya malam tu. Tangah malam Panjul handak bajalan, tapi inya kada kawa jalan bamotor sabab kada ada bensin.
Pina gelisah banar handak tatap bajalan. Panjul lalu handak mamakai motor kuitannya nang dihintipnya full bensinnya.
Begamatan Panjul maambil kunci motor abahnya tu, imbah tu Panjul mambuka pagar lalu besiap mehidupi wan manggas motor abahnya tu.
"Unda harus hancap manggas ni, kalo kada kena katahuan," sambat Panjul bapandir surangan.
Bakajutan Panjul mahidupi mesin motor abahnya tu imbah tu behimat menggas.
"Eh kenapa kada bajalan ni," sambat Panjul himung surangan.
"Njul, handak kam bawa ka mana motor abah," kuciak abahnya.
"Setumat bah, ulun handak ka muka gang haja manukar nasi goreng," sambat Panjul.
"Handak nukar nasi goreng pina gagah banar ikam. Beminyak harum pulang," sambat abahnya.
"Ikam kada bakal kawa mambawa bukah motor abah. Tu nah, motor ni abah rantai," sambat abahnya nang manunjuk rantai di ban ka tihang rumah.(oke/beb)


BACA JUGA

Kamis, 23 November 2017 14:20

Salah Talipun

AMAT ---ni ngaran asa maka sambat panulis wara lah--- rihatan karanjingan wan babinian, padahal umur…

Rabu, 22 November 2017 16:09

Memalihara Burung

PAS manjamur burung, Julak Amat ---ngaran sikung ni asal sambat nang manulis wal lah--- kada lagi ingat…

Selasa, 21 November 2017 01:38

Mamalihara Kucing

KEKANAKAN bebini wayah ni katuju mamalihara kucing paranakan nagara Turki nang biasa urang manyambatnya…

Minggu, 19 November 2017 21:08

Mambuang Hajat

Saban sore, Nanang, Utuh, Jamal lawan Panjul -berataan ngaran tu asal sambat nang manulis wal lah- katuju…

Minggu, 12 November 2017 20:42

Asal Timbai

POKOKNYA saban baisukan Panjul---ni lain ngaran bujur, asa maka sambat panulis wara--- batugas mambuangi…

Kamis, 09 November 2017 17:26

Batunjul Mutur

SUDAH dipadahi kuwitannya supaya jangan rancak balalah, soalnya rihatan rami musim razia, tapi Idrak---ni…

Rabu, 08 November 2017 15:59

Pakai Sampo

Sama lawan rambut, ujar Nanang (lain ngaran bujuran wal) nang handak membasuh motor hanyarnya hari tu.…

Selasa, 07 November 2017 18:48

Gagal Babual

WAYAH ini rami banar bubuhan pamuda di kampung balalajuan wan atraksi mutur. Pokoknya asal malam Minggu,…

Senin, 06 November 2017 15:11

Muntung Tekunci

Banyak pandir, ujar urang jua kada ada nang baiknya. Apalagi amunnya bepandir nang kaya urang penahu.…

Minggu, 05 November 2017 01:25

Tekutan Disunat

KAMPUNG wadah bediam Ucup ---ngaran asal sambat nang menulis wal lah---, handak ada sunatan masal nang…
Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .