MANAGED BY:
SENIN
18 JUNI
KRIMINAL | METROPOLIS | HOT PROMO | BORNEO FC | GAYA
Selasa, 12 September 2017 01:33
Mahuluti Bos

PROKAL.CO, JALI---ngaran asa maka sambat panulis wara ngini--- bajalanan wan kakawalannya sakanturan. Munyak haur barikriasi ka pantai, Jali wan kakawalannya sapakat bajalanan ka daerah pagunungan di luar kota. Kabujuran pagunungan nang handak dituju itu tarkanal sampai ka luar daerah sudah.
Saking bagusnya, sampai ada nang memadahkan kalau pagunungan nang handak dituju Jali wan kekawalannya cucuk jadi sambatan kaajaiban dunia. Cuma kada gampang handak sampai ke daerah pagunungan, soalnya gasan naik ke atas gunung harus bejalan batis lumayan jauh.
Bebaya sampai di daerah pagunungan nang dituju, Jali wan kekawalannya imbah turun tumatan bis nang mambawa bedadas bejalan meumpati jalur nang sudah disiapkan. Rihatan Jali wan kekawalannya asyik bejalan, pas lagi uyuh-uyuhnya menaiki gunung basalisihan wan oto ambulan nang lampunya banyala.
"Nah, siapa pulang nang dibuat di oto itu lah. Ada-ada haja, mungkin kada sanggup bejalan jauh memaksakan. Jadi ai diangkut wan oto ambulan. Mudahan ai kada mati mandadak gara-gara kauyuhan. Mun inya bubuhan wartawan tahu, bisa rami kesahnya," Jali basuara.
Mendengar Jali besuara nang kaya itu tetawaan haja kekawalannya nang lain. Babaya sampai di atas gunung, Jali tekagum-kagum wan hiran melihat pemandangan nang dasar indah ditiring tumatan atas.
Rihatan asyik-asyiknya, Jali dipadahi kekawalannya kalau bosnya lagi garing bangat. Mau kada mau Jali wan kekawalannya tutun lakas tumatan atas gunung, padahal inya masih handak melihat pemandangan nang bagus.
“Bah uyuhnya wara kita ka sini. Baluman sampat baapa-apa sudah bulikan lah,” Jali basuara sambil marangut.
Jali wan kekawalannya langsung manuju ke wadah kasehatan, nang dasar disiapkan gasan pengunjung nang handak berekreasi melihat pemandangan pagunungan.
Bebaya melihat bosnya Jali pina sadih, soalnya bosnya berabah haja di ranjang lawan tangan bacucuk jarum infusan. Limbah betakun sana-sini, sekalinya didapat kabar kalau bos Jali rabah mendadak pas ada di atas gunung. Kabujuran bosnya tulak badahulu tumatan kantor. Limbah itu bosnya diangkut pakai oto ambulan gasan dapat perawatan.
"Jiah...nang unda sambati wan unda sumpahi tadi sekalinya bos saurang. Mudahan haja kada ada nang memadahkan ke sidin, kalau unda tadi sampat menyumpahi sidin mati. Ampun sampai ketahuan, bisa gawat tu pang unda," jar Jali sambil bedadas kaluar pada ruang perawatan bosnya. (rin)

loading...

BACA JUGA

Minggu, 18 Februari 2018 15:43

Mancubai Haja

HARIAN itu Utuh--- ni lain ngaran banaran, asa maka sambat panulis haja--- singgah ka tuku nang bajualan…

Minggu, 11 Februari 2018 20:29

Taigut Kaos Batis

Kamana-mana salalu baampat. Ujang, Utuh, Panjul wan Paluy -seberatan tu ngaran asal sambat nang manulis…

Minggu, 28 Januari 2018 21:52

Band Kuda Lumping

KEKANAKAN wayah ini dasar harat-harat pang. Ada nang bekumpulan naik mutur, sepalihan ada nang bekumpulan…

Sabtu, 27 Januari 2018 13:47

Jas Hujan Rungkang

MALAM itu Utuh--- ni ngaran asa maka sambat panulis wara--- kabujuran kana giliran lambur bagawi. Babaya…

Senin, 22 Januari 2018 00:59

Handak Lamak

Awak lamak kada selamanya talihat kada baik. Urang nang awaknya lamak tu biasanya hibak bisi kawal,…

Sabtu, 13 Januari 2018 18:20

Tuti = Tatulian

Tuti (lain ngaran urang lah), ujar kekanakan wayah ni kepanjangannya tatulian. Sambatan itu pang nang…

Minggu, 07 Januari 2018 21:49

Asik Bagincu

SUDAH jadi kabiasaan, pokoknya asa kada parcaya diri tu pang mun Aluh ---ni lain ngaran banaran--- bila…

Jumat, 05 Januari 2018 16:56

Muntung Tekunci

  Banyak pandir, ujar urang jua kada ada nang baiknya. Apalagi amunnya bepandir nang kaya urang…

Kamis, 04 Januari 2018 14:11

Foto Pakai HP

HAHANYARAN baisi HP, pina himung Adul---ni lain ngaran banaran, asa maka sambat panulis wara. Pokoknya…

Jumat, 29 Desember 2017 15:10

Kerupuk Layat

"Ngalihnya dikunyah," ujar Kai Idup (lain ngaran bujuran wal), urang tuha nang kada bisi gigi, pas membantas…
Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .