MANAGED BY:
JUMAT
24 NOVEMBER
UTAMA | SAMARINDA | METROPOLIS | OLAHRAGA | KALTIM | METROLIFE | BUJUR-BUJUR

BUJUR-BUJUR

Rabu, 30 Agustus 2017 14:11
Kana Sariki

PROKAL.CO, PANJUL --- nang ngini ngaran asa maka sambat panulis wara--- arai bujur imbah kawa manukar HP hanyar. Maklum haja, bengaran bediam di kampung HP masih jarang ada nang baisi. Wayah ini sambil bakabun, asa uyuh wan bamandak, mulai Panjul mengucik HP-nya.
Harian tu Panjul betambah arai, soalnya inya hanyar dapat nomor HP bebinian tumatan kawalnya bengaran Utuh --- ni jua lain ngaran banaran. "Pokoknya nyawa telepon haja wal ai, bebiniannya bungas itu. Makanya urangnya baik banar ha pulang," Utuh mempromosikan.
Behancap Panjul menalipun. Bujur jar Utuh jua, bebini nang ditalipunnya baik banar. Suaranya mardu. Jadi pina rajin ai Panjul menelepon tarus. Ada haja alasan Panjul gasan menelepon bebini nang mengaku bengaran Siti.
Tapi hari itu Panjul bingung, soalnya wayah ini bila ditelepon Siti haur memakai bahasa nang kada dimangartinya. Limbah itu tedengar nang kaya sarik lawan inya.
"Nah am si Siti ini kenapa pulang bebahasa nang kada unda mengerti. Unda nang bingung meartikan apa maksudnya. Tapi nada suaranya pina tinggi, nang kaya sarik lawan unda. Pinanya inya memamai wan menyumpah lawan Bahasa Inggris," sambat Panjul bepandir saurangan.
Isuknya pas betamu Utuh Panjul bekesah. "Bah wal wayah ini Siti pina sarik tarus bila ditelepon. Maka bebahasa nang ngalih dimengerti," Panjul besuara.
Bengaran penasaran Utuh belaluan meambil ke HP Panjul wan memicik nomor Siti. Sekalinya didengarinya dasar bujur Bahasa Inggris. "Jah... ikam ini nang kaya apa. Ini lain Siti nang besuara, tapi operator telepon nang memadahi kalo ikam harus meisi pulsa ulang soalnya sudah habis," jar Utuh.
Mendengar damintu tanjal tatawa saurang haja lagi Panjul. (rin)


BACA JUGA

Kamis, 23 November 2017 14:20

Salah Talipun

AMAT ---ni ngaran asa maka sambat panulis wara lah--- rihatan karanjingan wan babinian, padahal umur…

Rabu, 22 November 2017 16:09

Memalihara Burung

PAS manjamur burung, Julak Amat ---ngaran sikung ni asal sambat nang manulis wal lah--- kada lagi ingat…

Selasa, 21 November 2017 01:38

Mamalihara Kucing

KEKANAKAN bebini wayah ni katuju mamalihara kucing paranakan nagara Turki nang biasa urang manyambatnya…

Minggu, 19 November 2017 21:08

Mambuang Hajat

Saban sore, Nanang, Utuh, Jamal lawan Panjul -berataan ngaran tu asal sambat nang manulis wal lah- katuju…

Minggu, 12 November 2017 20:42

Asal Timbai

POKOKNYA saban baisukan Panjul---ni lain ngaran bujur, asa maka sambat panulis wara--- batugas mambuangi…

Kamis, 09 November 2017 17:26

Batunjul Mutur

SUDAH dipadahi kuwitannya supaya jangan rancak balalah, soalnya rihatan rami musim razia, tapi Idrak---ni…

Rabu, 08 November 2017 15:59

Pakai Sampo

Sama lawan rambut, ujar Nanang (lain ngaran bujuran wal) nang handak membasuh motor hanyarnya hari tu.…

Selasa, 07 November 2017 18:48

Gagal Babual

WAYAH ini rami banar bubuhan pamuda di kampung balalajuan wan atraksi mutur. Pokoknya asal malam Minggu,…

Senin, 06 November 2017 15:11

Muntung Tekunci

Banyak pandir, ujar urang jua kada ada nang baiknya. Apalagi amunnya bepandir nang kaya urang penahu.…

Minggu, 05 November 2017 01:25

Tekutan Disunat

KAMPUNG wadah bediam Ucup ---ngaran asal sambat nang menulis wal lah---, handak ada sunatan masal nang…
Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .