MANAGED BY:
RABU
21 FEBRUARI
UTAMA | SAMARINDA | METROPOLIS | OLAHRAGA | KALTIM | METROLIFE | BUJUR-BUJUR

BUJUR-BUJUR

Jumat, 11 Agustus 2017 10:57
Gara-gara Tanda Tangan

PROKAL.CO, BARAPA hari ini Utuh---ni lain ngaran banaran, asa maka sambat panulis haja--- talihat kada sakulah. Malihat damintu asa handak sarik ai kuwitannya bangaran Imuk---ni jua ngaran karangan haja.
"Napa pulang ikam kada sakulah. Mambulus haja gawian ikam. Dimapa handak pintar wan jadi urang mun damintu. Sakulah haja kulir," Imuk managur.
Mandangar damintu manjawab ai Utuh. "Ulun kada sakulah, soalnya kana skur kada buleh sakulah 3 hari. Isuk hanyar unda masuk. Unda diskur gara-gara ditakuni guru siapa nang batanda tangan di naskah pruklamasi kamardikaan nagara kita," jar Utuh.
"Bangaran ulun kada tahu, ulun jawab kada tahu. Ulun sudah padahi guru unda, lain unda. Unda sudah bakaras, tatap haja salah," jar Utuh pulang.
Mandangar damintu balaluan ai Imuk manyuruh Utuh mangakui haja. "Isuk mun ditakuni pulang soal itu, mangaku haja ikam. Dari pada damini, ikam kada bulih sakulah. Dimapa handak pintar macam urang jua," Imuk mamadahi.
Isuknya baluman jam 10 baisukan Utuh sudah bulik. "Nah bah, gara-gara ditakuni pulang soal tanda tangan naskah pruklamasi unda jawab unda tanda tangan. Habis am disuruh bulik. Padahal ulun sudah maakui, sasuai saran piyan," Utuh mamadahi Imuk.
Mandangar damintu naik darah ai Imuk. "Ayo kita datangi guru ikam. Kaina abah manjalaskan," Imuk basuara.
Babaya sampai sakulahan Imuk langsung mancari guru Utuh. Inya langsung hamuk. "Piyan ni dimapa garang jadi guru. Soal siapa tanda tangan naskah pruklamasi, anak unda mangaku salah, kada mangaku jua salah. Piyan handak apa garang. Handak bakalahi haja kah sudah," jar Imuk.
Mandangar damintu, bapicik kapala haja lagi guru dapatnya. "Iya am, abah wan anak sama haja mun damini. Ampun unda," suara nang guru bapicik kapala. (rin/nha)

loading...

BACA JUGA

Minggu, 18 Februari 2018 15:43

Mancubai Haja

HARIAN itu Utuh--- ni lain ngaran banaran, asa maka sambat panulis haja--- singgah ka tuku nang bajualan…

Minggu, 11 Februari 2018 20:29

Taigut Kaos Batis

Kamana-mana salalu baampat. Ujang, Utuh, Panjul wan Paluy -seberatan tu ngaran asal sambat nang manulis…

Minggu, 28 Januari 2018 21:52

Band Kuda Lumping

KEKANAKAN wayah ini dasar harat-harat pang. Ada nang bekumpulan naik mutur, sepalihan ada nang bekumpulan…

Sabtu, 27 Januari 2018 13:47

Jas Hujan Rungkang

MALAM itu Utuh--- ni ngaran asa maka sambat panulis wara--- kabujuran kana giliran lambur bagawi. Babaya…

Senin, 22 Januari 2018 00:59

Handak Lamak

Awak lamak kada selamanya talihat kada baik. Urang nang awaknya lamak tu biasanya hibak bisi kawal,…

Sabtu, 13 Januari 2018 18:20

Tuti = Tatulian

Tuti (lain ngaran urang lah), ujar kekanakan wayah ni kepanjangannya tatulian. Sambatan itu pang nang…

Minggu, 07 Januari 2018 21:49

Asik Bagincu

SUDAH jadi kabiasaan, pokoknya asa kada parcaya diri tu pang mun Aluh ---ni lain ngaran banaran--- bila…

Jumat, 05 Januari 2018 16:56

Muntung Tekunci

  Banyak pandir, ujar urang jua kada ada nang baiknya. Apalagi amunnya bepandir nang kaya urang…

Kamis, 04 Januari 2018 14:11

Foto Pakai HP

HAHANYARAN baisi HP, pina himung Adul---ni lain ngaran banaran, asa maka sambat panulis wara. Pokoknya…

Jumat, 29 Desember 2017 15:10

Kerupuk Layat

"Ngalihnya dikunyah," ujar Kai Idup (lain ngaran bujuran wal), urang tuha nang kada bisi gigi, pas membantas…
Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Supported By .